يا مصر

يا مصر بتبعدي ليه قربي اكتر
اسعديني وكحلي عيوني بثورتك ..
هاتي حريتك ..
مين قال انتي وردة ..
انت بين الورود انضر ..
مهما قطفنا من ورودك ..
أبدا وردك ما يدبل ..
عشقت الموت في ميدانك ..
و اكون شهيد علشانك ..
ابوس ترابك ..
لو حبيت مرة أسكر

توبك الابيض

حبيبتي هو توبك الابيض مش ناوية تلبسيه ؟
من زمان بجهزه مش ناويه مرة تقيسيه ؟
يمكن يطلع مقاسك ..
ويعجب ناسك ..
جربيه ..
... ... ...
من زمان وانا كان كل همي فيه ..
وانت في كل مرة مصرة ترفضيه ..
خايف انا من احساسك ..
ومن ناسك ..
عليه ..
... ... ...
كنت مصرة تبعدي معرفش ليه ؟ ..
واجيلك تهربي طب بتعاندي ايه ؟ ..
مفضلش غير اني اجمع ناسك ..
ونوقف في قلب احساسك ..
وللدنيا اوريه ..
... ... ...
اتغيرت الدنيا واللي عملته محدش راضي بيه ..
هو انت مقولتيش من الاول انك سجينه ليه ؟..
واللي سجنوكي هم حراسك ..
بايعينك وكنت فاكرهم ناسك ..
مقولتيش من بدري ليه ؟..
... ... .... ...
رفعت انا توبك في السما لأجل انت تشوفيه ..
وحلفت بعمري لاجيبهولك وبايديا تلبسيه ..
واتاري فيه كتير من عشاقك ..
اتجمعوا لاجل يفكوا اصفادك ..
وجابوا توبك .. شوفتيه ؟
... .... ...
ادانك .. جمع عشانك .. كل اللي بتحبيه ..
وفي كعبة غرامك .. سجانك .. معرفش يعمل ايه ..
وما سكتوش عشاقك ..
هزموا سجانك ..
وتوبك هتلبسيه ..
... .... ...
شايفه احبابك .. دا يوم مش هتنسيه ..
كعبتك جالها من كل مكان اسمك عليه ..
اعلنوا الغضب علي سجانك ..
حالفين يموتوا علشانك ..
جه اليوم تحصدي اللي زرعتيه ..
..... .... .... ....
اتجمع المتفرقين علي حلم من زمان انت بتحلميه ..
اللي واقف .. واللي واقع .. واللي الرصاص خد عينيه ..
واللي بدمه كتب اسمه علي اعتابك ..
لاجل توب حريتك ييجي علي مقاسك ..
عارفينك دمنا مش هتنسيه

عانقيني

كفي كلاما .. وعانقيني ..
كفي كلاما .. لاتعاتبيني ..
لا تقولي ملاما .. تؤلميني ..
زيدي العناق .. احتويني ..
احتمي بي .. 
باحتمائك بي احتمي ..
هاتي احزانك .. شاركيني ..
املكيني ..
انت لحني .. غنائي .. حنيني ..
لا ادعو سواك حبيبتي ..
اقتربي من شفاهي .. قبليني ..
واقبليني ..
في ساحات عشقك اطلقيني ..
ابدا لا تتركيني ..
كفي كلاما وعانقيني 

اوعوا حد يـقول للشـهيـد

اوعوا حد يقول للشهيد ..
ان احنا ضعفنا ..
اننا خوفنا ..
اننا بعده بعنا العيد ..
اوعوا تحكوا حتي عن موتنا ..
قولوا توهنا ..
غرقنا ..
او حتي م الفرحة موتنا ..
ايوة اكدبوا ..
قولوا انتصرنا ..
خدنا تارهم وتارنا ..
م العسكري العنيد ..
سارق دمنا البعيد ..
وانه ما رحش هدر ..
دم الشهيد ..
قولوا وقفنا كلنا ..
كلمة واحدة وصف واحد ..
والايد كانت في الايد ..
قولوا محدش فينا باع التاني ..
ولا حد فينا كان اناني ..
وان اللي زيي في غبائه ..
خلاص مفيش ..
ومفيش .. فلول ..
بطلنا ناكل حتي فول ..
فقيرنا بياكل زي الرئيس ..
وخلاص مفيش ..
الحلم مبقاش عويص ..
قولوا محدش سرق منا العيد ..
بلاش الحقيقة ليموت بحسرته ..
ويروح فطيس ..
دم الشهيد .

الكـره خســارة فيــه

النهاردة

دخلت قلبي ..

وفتحت ركن الكره فيه ..

ملقيتش حد ..

ولا شفت كره لحد فيه ..

متفتكرش اني فرحت ..

انا اتصدمت ..

وقررت ارميه ..

علشان ملقتش كرهك فيه ..

هو إزاي قلبي ..

وراضي باللي عملته فيه ..

إزاي خدعته ..

هجرته وبعته ..

وضحكت الناس عليه ..

دا اللي انت بس قلته ..

ركن الكره كله ..

مش كفايه عليه ..

لا دا مش قلبي ..

وخلاص ..

هأرميه ..

ويادوب همشي ..

ناداني قلبي ..

زعق وقاللي ..

انت زعلت ليه ..

انت مش سبته ..

عايزه في قلبك تاني ليه ؟

بتدور كل شوية ليه ..

علي حاجة تفكرك بيه ؟

احنا خلاص سبناه ..

وحتي الكره خساره فيه .

قبلتــــــان

قبلتــان ..
غادرتا قلبي في اتجاهك ..
قبلتي الاولي تنتوي ..
إرتشافك ..
تشتاق الوطن ..
فوق شفاهك ..
تشرب شهدا ..
تحيا دفئا ..
وعفوا ..
لشفاهك لن تفارق ..
اما عن ..
قبلتي الثانية ..
حانية ..
تنتوي روحك ..
تريد اجتياحك ..
دخول حصونك ..
فتح قلاعك ..
تعطيك عمرا ..
تطرد حزنا ..
لسنين قد استباحك ..
مولاتي ..
قبلتاي قادمتان ..
ألا من استقبال باشتياق ..
وعناق ..
دعيهما يمرحان ..
وابقي عليهما قريبتان ..
فهما قادرتان علي البقاء ..
رغم ان مصيرنا ..
فراق .

اعتذار

اعتذار ..

للمجلس العسكري ..

وللحزب إياه ..

اللي بالكدب انتصر ..

وخد مصر معاه..

مودينا في سكة سودا ..

مفيش منها نجاه ..

إلا بوقفة واحده ..

نرضي بيها الله ..

سامحوني يا اصحابي ..

سامحوني ياشهدا ..

إعتذار غصب عني بقدمه ..

إعتذار لا يخفي الحق ..

ولا يقتله ..

إعتذار لا ينصر الظلم ..

ولا يقدمه ..

إعتذار كله عار ..

هوه هوه نفس العار ..

اللي عشش في كل دار ..

بأعتذر للمجلس ..

اللي جاب مجلس ..

لما بيقتلونابيحرس ..

قاتلنا ..

اللي منكم ..

ومتنكر ..

متخافوش من كلامي ..

محدش فاهم حاجة ..

قصدي اقول ..

محدش عايز يكون..

 فاهم ..

فماتتعبش نفسك ..

لا تقلق ..

ولا تفكر ..

ولا في حسبتك تعمل حسابنا ..

قفلنا بابنا ..

بطلنا نحلم..

بطلنا نفهم ..

أو نفكر ..

ماتت ضحكتنا ..

ودمعتنا ..

مليانة ذل ..

والكل ..

شايفين ..

دمنا المسكوب ..

ووطنا المغصوب ..

مكتوم صوتنا ..

مطلوب موتنا ..

وحتي توبنا ..

علينا استكتروه ..

وابتدوا من بدري نهب ..

قلنا نهرب من عسكري ..

وقعنا في حضن كلب ..

عنوانه بكل صراحة ..

نحمل لمصر الغلب ..

قعدوا علي الكرسي الكبير ..

مرشدناأصبح المشير ..

والشعب اصبح حقير ..

دا كفاية ..

دا كتير ..

حد يجاوبني ..

إيه المصير ؟