يوم 25

يوم 25 نازل ..
ولا متنازل ..
عن حقك ؟
ولو مش نازل ..
هتقول إيه لإبنك ؟
لما يقولك ..
حقك ..
في وطنك ..
سبته ليه ..؟؟؟
هو انت .. هتسيبله إيه ؟
فقر ..
خوف ..
جوع ..
ضعف ..
مذلة ..
مهانة ..
خضوع ..
هو انت .. هتنام إزاي ..
بضمير موجوع ؟؟؟
هتصلي إزاي ..
وتقول آمين ..
وتسيب الضالين ..
حاكمين ..
متحكمين ..
في ارزاقنا ..
وقوت ولادنا ..
مغمين ..
عنينا ..
مكتفين ..
ايدينا ..
وارضنا مش لينا ..
مش مصدق ..
عندك سينا ..
عندك فكرة ..
خدناها بكام ..
من اعادينا ..
عد الجرحي ..
وكام م القتلي ..
قصدي الشهدا ..
احمد وكمان مينا ..
زي الميدان ..
اللي هان ..
نسيت انك له مديون ..
وانه خلاك انسان ..
نسيت اختك .. اللي اتسحلت ..
نسيت اخوك .. اللي اتهان ..
فوق ..
قوم ..
متبقاش موهوم ..
اوعي تتنازل ..
يوم 25 ..
اكيد معانا نازل