حكومة .. ومعيز

ممكن سؤال .. في اللذيذ ..
انا مش بناكف ..
ولا بغيظ ..
بس هم فعلا حكومة ..
واحنا المعيز ..؟
معلهش استحملوني ..
وشوية تركيز ..
احنا مين ..
هو احنا .. احنا ..
ولا ناس تانيين ..
احنا مين ..؟
في خمسة وعشرين يناير ..
الكل ثاير ..
عملنا ثورة ..
خلعنا الرئيس ..
يا شعب هيص ..
مفيش بوليس ..
وفجأة العسكري ..
بقرار عنتري ..
وصباع فنجري ..
عمل مناورة ..
قضي ع الثورة ..
وشربها المعيز ..
مش حاجة تغيظ ..؟
شوفتوا المحكمة ..
مسرحية ومكلمة ..
ابطالها مين ..
المشير والقاضي .. والرئيس ..
لكل واحد دور ..
ومين عليه الدور ..
يلعب دور التور ..
بس اهدي ..
اعقل ..
بلاش تثور ..
هي براءة .. 
يا اخوانا دا الرئيس ..
انتوا شاربين حاجة ..
ولا دا تهييس ..
قول يا عنان ..
مصر بكام ..
وبكام الرغيف ..
رئيسنا كان شريف ..
راجل عفيف ..
يادوب كام مليار ..
من مصروف الحمار ..
بلاش المعيز ..
مظلوم الرئيس ..
والتهمة دي تدليس ..
مظلوم الرئيس ..
المخلوع ..
قصدي الموضوع ..
جوا الزنازين ..
ياشوية معيز ..
لو نموت م الجوع ..
براءة المخلوع ..
دا كان مخدوع ..
في شعبه المعيز ..
ياشوية اقزام ..
طالبين إعدام ..
انتوا تساوا كام ..
قدام الرئيس ..
بس تمام ..
هي العين تعلي ع الحاجب ..
وف المحكمة ..
نادي الحاجب .. 
المشير .. والوزير .. والغفير ..
كله تمام .. 
ادوا التحية ..
طبعا مش ليا ..
دي للرئيس ..
فهمتوا الرسالة ..
يا شوية معيز.