لو انت فايق ..

من ورا ستارة ..
قدام البار ..
في خمارة ..
في ايدي كاس ..
وفي التانية سيجارة ..
ومن ورا قزاز النضارة ..
فتحت عينيا ..
قمت من غبايا شفت ..
في المرايا ..
ناس بتجري ..
ناس بتبكي ..
ناس مش عارف بتعمل ايه؟!
....
وفي واحد بيصرخ ..
وراه واحد بيصرخ ..
والتالت ..
تايه ..
باين عليه ..
....
ودي وليه كبيرة ..
علي وشها مرسوم ..
حاجة زي التكشيرة ..
وفي عينيها ..
اكتر م الغيرة ..
تفسرها بإيه ؟
...
ودي بنت صغيرة ..
ملامحها حلوة ..
بس ليه متغيرة  ..؟
وليه الاشواق ..
في عينيها متحيرة ..؟
ومش عارفة ..
عايزه ايه ..؟
....
ودا ولد بيجري ..
علي طول كدا دوغري ..
ما بيوقفش ..
معرفش ..
بيجري ليه ..؟
....
وفي تلات عساكر ..
ف ايديهم ..
مع بعض تلات تذاكر ..
داخلين السينما ..
ومحدش فاكر ..
الفيلم اسمه إيه ..؟
....
بتقرا إيه ..؟
وهتفهم إيه ..؟
من كلام سكران ..
علطول قاعد ..
ورا ستارة ..
قدام البار ..
في خمارة ..
في ايده كاس ..
وفي التانية سيجارة ..
...
ضحكت عليك ..
خليتك قريت ..
كلام مساطيل ..
مالوش معني ..
لو انت فايق..؟