المزاد

تيري لالم .. تيري لالم ...
                                هنا المزاد قرب يا عم .
معانا انواع م البشر    ... 
                                 اللي انقرض واللي انتشر .
               في سوقكم انتوا يساوا كم

تيري لالم .. تيري لالم ...
                                 هنا المزاد قرب يا عم .
معانا دمعة في القلوب ...
                                 وخطوة تايهة في الدروب .
               في سوقكم انتوا يساوا كم

تيري لالم .. تيري لالم ...
                                 هنا المزاد قرب يا عم . 
معانا ضحكة من سنين ...
                                 مشتاقة للشوق والحنين .
               في سوقكم انتوا يساوا كم

تيري لالم .. تيري لالم ...
                                  هنا المزاد قرب يا عم .
معانا حلم من زمان ...
                                  لما كان بينا الحنان .
               في سوقكم انتوا يساوا كم 

تيري لالم .. تيري لا لم ...
                                 هنا المزاد قرب يا عم .